साचो saacho

#પ્રજાવત્સલ_રાજવી

બ્રાઝિલના પરાના સ્ટેટમાં ઘણો વિશાળ કેટલ શૉ પાર્ક આવેલો છે. જ્યાં દર વરસે કેટલ શૉ યોજાય અને અસંખ્ય માણસો તે જોવા માટે આવે. તે પાર્કમાં અલગ અલગ પેવેલિયન (પાકા બાંધકામનો મંડપ) બનાવેલા છે. તેમાંના એક પેવેલિયનને મહારાજાના માનમાં 'Retiro Bhavnagar - નાનું ભાવનગર' નામ અપાયું છે. શહેરના વિસ્તારને નામ આપવા કરતાં આ ઘણું મોટું ગૌરવ ગણાય.

પરાના રાજ્યના લોંડ્રિના શહેરમાં કેટલ શૉ પાર્કને સાંકળતા રસ્તાને 'કૃષ્ણકુમાર રોડ' એવું નામ આપવામાં આવ્યું છે. ત્યાં તેમની પ્રતિમા પણ મૂકવામાં આવી છે. તેની નીચે બ્રાઝિલની રાષ્ટ્રભાષા સ્પેનિશમાં નીચે પ્રમાણે લખવામાં આવ્યું છે :

Maharaja Shri Krishnakumarsinghji, Bhavnagar (India). The Man who Gave Brazil 'Gir and Kankrej' Breed cows. The Nation is Grateful to him.

શ્રી. ગંભીરસિંહ ગોહિલ સાહેબ દ્વારા ખૂબ મહેનત અને તથ્યો ફોટાઓ એકત્રિત કરી #રાજવી_પ્રકાશન દ્વારા Biography of H.H. Krishnakumarsinhji, Maharaja of Bhavnagar માં ખૂબ સરસ રીતે વર્ણન કર્યું છે.

દરેક પાને મહારાજા સાહેબનાં સમગ્ર જીવનની સોડમ છે. શ્રી.ગંભીરસિંહ ગોહિલ સાહેબ કૃત 'પ્રજાવત્સલ રાજવી' વાંચીને ભાવનગરી હોવાનો ગર્વ થાય.

મને આ પુસ્તક વાંચવા માત્ર એક વાક્યએ ખૂબ આકર્ષિત કર્યો હતો.

न त्वहं कामये राज्यं न स्वर्गं नापुनर्भवम् ।
कामये दुःखताप्तानां प्राणिनाम् आर्तिनाशनम् ॥

મારે રાજ્ય જોઈતું નથી, સુખવૈભવ કે પુનર્જન્મની ઇચ્છા નથી. હું તો ઇચ્છું એટલું જ કે મારી પ્રજાનાં દુઃખ દર્દો દૂર થાય.

પ્રજા પ્રિય રાજા કઈ રીતે બની શકાય તે જાણવું હોય તો આ વાંચો, મહારાજા દ્વારા થયેલાં પ્રજા લક્ષી કાર્ય જાણવા માટે આ વાંચો, પ્રજાહિતે પોતાનું સમગ્ર ભારતમાતાનાં ચરણોમાં ન્યોછાવર કરવાની ભાવના વાળા રાજવીને જાણવા આ પુસ્તક વાંચો. મહારાજા સાહેબને વંદના.

પુસ્તક નામ : પ્રજાવત્સલ રાજવી
પ્રકાશક : રાજવી પ્રકાશન (ભાવનગર)
ISBN : 978-81-923649-0-2
મૂલ્ય : ₹ 600/- (અમૂલ્ય)
પાનાં : 576 ફોટાઓ સાથે ઉજળા પાના

मेरा घर मेरा पुस्तकालय સાથે જોડાયેલા રહો વાંચતાં રહો.

https://www.youtube.com/user/sagarnc

#TheReaderSacho
11-Feb-2020

#રક્તરંજિત_પંજાબ

ગુજરાત સાહિત્ય અકાદમીના અઘ્યક્ષ પદ્મશ્રી. વિષ્ણુભાઈ પંડ્યા અને તેમનાં સ્વ.પત્ની શ્રીમતી આરતીબેન પંડ્યા દ્વારા 26મી જાન્યુઆરી 1985માં પ્રવીણ પુસ્તક ભંડાર દ્વારા પ્રકાશિત આ પુસ્તક મેં રાજકોટ પુસ્તક મેળા માંથી માત્ર ₹ ૧૦/- માં ખરીદ્યું.

હાલમાં કાગળો વાંચી શકાય એવી સ્થિતિમાં નથી માટે માત્ર પુસ્તકનો ઉપરથી પરિચય કરાવું છું. થોડી મરામત બાદ વાંચવા લાયક થઈ જશે ત્યારે વાંચીને થોડાં અંશો આપના વચ્ચે જરૂર મુકીશ.

અત્યારે તો માત્ર પુસ્તક દર્શન કરીને આનંદ માણો.

#અમૃતસરના સુવર્ણમંદિરમાં 'ઓપરેશન બ્લ્યૂ સ્ટાર'ની અંધારી રાતે શું વીત્યું?
કેટલા અને કોણ મરાયા ?

#પંજાબમાં આતંકવાદ કોણે ફેલાવ્યો?
ભીંદરાવાલે કોણ હતા અને દિલ્હીએ કેવી રીતે આતંકવાદી બનાવ્યા ?
તેનું મોત કઈ રીતે થયું હતું?

#પંજાબ_સમસ્યામાં_સરકાર,
અકાલી દળ, આતંકવાદી, લશ્કર અને પ્રજાએ શો ભાગ ભજવ્યો ?
આ સમસ્યાનાં ખરેખરાં કારણો અને જવાબદાર પરિબળો કોણ છે?

આ અને આવા બીજા પ્રશ્નોની ચર્ચા કરતું આ સ-ચિત્ર પુસ્તક.

સુપ્રસિદ્ધ પત્રકારની કલમે પંજાબ પ્રવાસ કર્યા બાદ લખાયું છે. ગુજરાતીમાં આ પ્રકારનું-
સર્વપ્રથમ પુસ્તક

मेरा घर मेरा पुस्तकालय સાથે જોડાયેલા રહેજો અને વાંચતાં રહેજો.

https://www.sacho.in

#TheReaderSacho
05-02-2020

#ગણતંત્ર_દિવસ

૨૬-જાન્યુઆરી- ૧૯૫૦ના દિવસથી ભારતીય બંધારણ અમલમાં આવ્યું. આજનાં દિવસે મને વાંચન માટે #આપણે_અને_આપણું_બંધારણ થી વધુ સારું પુસ્તક કયું હોય? સદભાગ્યે મારી પાસે આ પુસ્તક ઉપલબ્ધ હતું અને વાંચવાનું સૌભાગ્ય મળ્યું. થોડી વાત ભારતીય #બંધારણ_સભા વિશે પણ જાણવી આવશ્યક છે.

બંધારણ ઘડવા માટે રચાયેલી ચૂંટાયેલા પ્રતિનિધિઓની સમિતિને ‘બંધારણ સભા’ કહે છે. આ સભાની કુલ સભ્ય સંખ્યા ૩૮૯ હતી. જે પૈકી ૨૯૨ પ્રતિનિધિઓ બ્રિટિશ હિંદના ૧૧ પ્રાંતોની વિધાનસભાઓથી, ૯૩ પ્રતિનિધિઓ દેશી રજવાડાંના તથા ૪ પ્રતિનિધિઓ ચીફ કમિશ્નરોના ચાર પ્રાંત દિલ્હી, અજમેર-મારવાડ, કૂર્ગ અને બ્રિટિશ બલૂચિસ્તાન માટે આરક્ષિત રાખવામાં આવેલ હતાં. પ્રત્યેક ૧૦ લાખની જનસંખ્યા પર એક પ્રતિનિધિના ધોરણે દરેક પ્રાંતને બેઠકોની ફાળવણી કરવામાં આવી હતી. જુલાઈ ૧૯૪૬માં બંધારણ સભાની રચના માટે યોજાયેલી ચૂંટણીઓમાં કુલ ૩૮૯ સ્થાન પૈકી ૨૯૬ બેઠકો માટે ચૂંટણી યોજાઈ. જેમાં મુખ્ય પક્ષ કોંગ્રેસને ૨૦૮ બેઠકો મળી હતી જ્યારે મુસ્લિમ લીગના ફાળે ૭૩ બેઠકો આવી હતી.સ્વતંત્ર ભારતના બંધારણના ઘડતર માટે ૨૩ સમિતિઓની રચના કરવામાં આવી. જેમાં ૧૨ કાનૂની બાબતોની સમિતિઓ અને ૧૧ પ્રક્રિયા સંબંધીઓની રચના કરવામાં આવી હતી. બંધારણ સભાના અધ્યક્ષ ડૉ. રાજેન્દ્રપ્રસાદ હતા પરંતુ બંધારણનો મુસદ્દો ઘડવાની જવાબદારી પ્રારૂપ સમિતિના અધ્યક્ષ ડૉ. બી.આર.આંબેડકર પર હતી.

હવે વાત આ પુસ્તક વિશે કરીએ તો તેનાં બધાં પ્રકરણ વિશે અહીંયા ચર્ચા ખૂબ મુશ્કેલ છે. પરંતુ પુસ્તકમાં આપેલી માહિતી ચર્ચવી અતિ મહત્વ ધરાવે છે. પૂરું પ્રકરણ અહીંયા લખવું મુશ્કેલ છે. છતાં એક અંશનો મુકું છું. વધુ તો પુસ્તક વાંચવાથી જ સમજાશે.

ભારતીય બંધારણ સામાન્ય પરિસ્થિતિમાં બદલવું અશક્ય છે. બે જ પરિસ્થિતિમાં બંધારણ બદલી શકાય છે.

૧. આપણા દેશ પર વિદેશી આક્રમણ થાય અને દેશ ગુલામીમાં જઈ પડે ત્યારે અથવા

૨. દેશમાં હિંસક ક્રાંતિ થાય અને આપખુદશાહી શાસન આવીને બંધારણ તૂટી પડે તો.

આ બંને વિકલ્પોની સંભાવના નહીવત છે. બંધારણ બદલવાની ભાષા કાં તો બંધારણ વિષયક અજ્ઞાન માંથી અથવા રાજકીય સ્ટંટબાજી માંથી નિર્માણ થયેલી છે. એમ મને લાગે છે.

આ બંધારણ સાંગોપાંગ બદલવાનો એક પ્રયત્ન કટોકટી દરમિયાન ૧૯૭૫માં થયો હતો. ૪૨મો બંધારણનો સુધારો એ લગભગ લઘુ બંધારણ જ ( Mini Constitution ) હતું. આ બંધારણ સુધારા વિશેનો અલગ લેખ આ પુસ્તકમાં આપેલો છે. એ બંધારણ સુધારો લાગુ થઈ ગયો હોત તો એક નવું જ બંધારણ અસ્તિત્વમાં આવ્યું હોત. એમ થયું નહીં કારણ ૪૪મા બંધારણ સુધારાએ ૪૨મો બંધારણ સુધારો રદ કરી દીધો. આ ઇતિહાસ બધાંને જ્ઞાત હોવો જ જોઈએ.

આ પુસ્તક ભારતીય વિચાર મંચ દ્વારા પ્રકાશિત થયેલું છે તથા શ્રી રમેશ પતંગે દ્વારા લખાયેલું છે.
ISBN : 9788193759752
કિંમત : ₹ ૧૫૦/-
પેઈજ : ૧૪૩.

પુસ્તકો વાંચતાં રહો તથા मेरा घर मेरा पुस्तकालय સાથે જોડાયેલા રહો.

https://www.youtube.com/user/sagarnc

https://www.sacho.in

#ગણતંત્ર_દિવસની_હાર્દિક_શુભેચ્છાઓ.
#TheReaderSacho
26-01-2020